Vestnorsk kulturakademi på Voss er eit undervisningssenter som har som hovudmål å ta vare på, formidla og vidareutvikla erfaringskunnskapen som ligg i den vestnorske kulturarven, og eit regionalt senter for kulturbasert næringsutvikling basert på handlingsboren kunnskap. VKA tilbyr kurs i ulike handverks- og byggeteknikkar, og gjennomfører næringsretta prosjekt, spesielt med sikte på nyetablering og kompetansebygging innan mat, jord/skogbruk, reiseliv og handverk. Studentane våre kjem frå heile vestlandsregionen og Sør-Noreg elles.
