Se tes entre 18 e 30 anos, remataches os estudios universitarios ou de FP superior en Galicia e queres acceder ao mundo laboral esta é a túa oportunidade. Xuventude Mentoring é un programa promovido pola Xunta de Galicia e o Cixug, en colaboración coas tres universidades galegas, que ofrece formación e mentorizaxe a persoas mozas tituladas para facer de nexo de unión entre o mundo académico e o mundo laboral. Contarás en todo momento co acompañamento do noso equipo técnico de profesionais expertos en prospección e orientación para o emprego e cunha rede de persoas mentoras procedentes do empresariado galego que ofrecerán asesoramento e apoio aos seus mentorizados.
