Overview

Velkomen til Årdal! Teknologi- og nasjonalparkkommunen Årdal er framtidsretta og har eit stort fokus på innbyggjarane sine, på miljøet og på skaping av nye arbeidsplassar. Med nye teknologiinvesteringar som hevdar seg i verdstoppen, er kommunen på utkikk etter nettopp deg som ynskjer å satse, dele kunnskap og å bidra til lokalsamfunnet for å gje ei god framtid til deg sjølv og sambygdingane dine. Å arbeide i Årdal byr på inkludering og varierte stillingar, der arbeidsstadane er dynamiske og tilpassingsdyktige med eit stort fokus på trivsel og mangfald. Her finn ein alt frå lokale til internasjonale bedrifter som famnar om ny innovasjon og moderne teknologi, samt mange spanande satsingsmoglegheiter innan reiselivsnæringa for den eventyrlystne og ambisiøse. Kommunen byr på mange gode og varierte servicetilbod, eit fengjande kulturliv og eit breitt utval av fritidsorganiserte idrettar. Her kan ein finne daglege friluftstilbod for store og små, og det er korte avstandar til skular og barnehagar, idrettsanlegg, skianlegg, badeanlegg og dagsturhytter. I tillegg har Årdal eit stort lokalengasjement innan fleire sektorar med stor bidragslyst frå innbyggjarar i alle aldrar.